வழ&#3007;பட&#3009;வ&#3019;ம&#3021;

Saturday, 23 March 2024

ஆண்டவருடைய பாடுகளின் குருத்து ஞாயிறு 24/03/2024

ஆண்டவருடைய பாடுகளின் குருத்து ஞாயிறு

திருப்பலிக்கான திரு உடை: சிகப்பு
எருசலேமுக்குள் ஆண்டவரின் நுழைவை நினைவுகூர்தல்மு
தல் வகை: பவனி
குருவானவர் சிலுவை அடையாளம் வரைந்து வழிபாட்டை தொடங்குவார்.

திருப்பலி முன்னுரை

இயேசு எருசலேம் நுழைகின்றார்; 'தாவிதின் மகனுக்கு ஒசன்னா! ஆண்டவர் பெயரால் வருகிறவர் ஆசி பெற்றவரே! இஸ்ரயேலின் அரசரே, உன்னதங்களிலே ஒசன்னா' என்று கீதம் பாடி அவரை வரவேற்கின்றனர். இயேசு தனது தந்தையின் விருப்பப்படி தனது வாழ்வின் இறுதிக் கட்ட நிகழ்வுகளுக்குள் செகின்றார். இன்று தான் புனித வாரம் ஆரம்பமாகின்றது. இயேசுவின் பாஸ்கா மறை நிகழ்வின் கொண்டாட்டம் ஆரம்பமாகின்றது. எமது வாழ்வும் விண்ணகம் நோக்கிய பயணத்தில் இணைகின்றது. எமது தவ ஒறுத்தல்கள் அர்த்தம் பெறும் அழகான சந்தர்ப்பமாகின்றது. கிறிஸ்துவின் வெற்றி அவரது பாடுகள் மற்றும் மரணத்திலே

பொதிந்து கிடக்கின்றது என்பதை எண்பிக்கின்றார். இயேசுவோடு சேர்ந்து பயணிப்போம். அவரது பாடுகளில், துயரத்தில் பங்கேற்போம். 'ஆண்டவராகிய என் தலைவர் துணை நிற்கின்றார்; நான் அவமானம் அடையேன்;' எனும் இறைவாக்கினர் எசாயாவின் கூற்றை மெய்பிக்க எமக்காக மரிக்க முன்வரும் இயேசுவின் பாதங்கள் பற்றிக்கொண்டு முன்செல்வோம்.

தாவீதின் மகனுக்கு ஓசான்னா

ஆண்டவர் பெயரால் வருகிறவர்

ஆசி நிரம்ப பெற்றவரே

இஸ்ராயேலின் பேரரசே

உன்னதங்களிலே ஓசான்னா

குருத்தோலைகள் மந்திரித்தல்

மன்றாடுவோமாக.

என்றென்றுமுள்ள எல்லாம் வல்ல இறைவா, இக்குருத்தோலைகளை உமது ஓ ஆசியால் புனிதப்படுத்தியருளும்; அதனால் கிறிஸ்து அரசரை அக்களிப்புடன் பின்பற்றும் நாங்கள் அவர் வழியாக நிலையான எருசலேமுக்குள் வந்து சேர ஆற்றல் பெறுவோமாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

பதில்: ஆமென்.

அல்லது

மன்றாடுவோமாக.

இறைவா, உம்மை எதிர்நோக்கியிருப்போரின் நம்பிக்கையை வளர்த்து உம்மை வேண்டுவோரின் மன்றாட்டுகளைக் கனிவுடன் கேட்டருளும்; அதனால் வெற்றி வீரரான கிறிஸ்துவின் திருமுன் இன்று குருத்தோலைகளை ஏந்தி வருகின்ற நாங்கள் அவர் வழியாக நற்செயல்களின் பயன்களை உமக்கு அளிப்போமாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம். பதில்: ஆமென். அருள்பணியாளர் அமைதியாகக் குருத்தோலைகள் மீது புனித நீரைத் தெளிக்கின்றார்.

நற்செய்தி இறைவாக்கு: மாற்கு எழுதிய தூய நற்செய்தியிலிருந்து வாசகம். 11:1-10

அல்லது யோவான் எழுதிய தூய நற்செய்தியிலிருந்து வாசகம். 12:12-16

பவனி

எபிரேயர்களின் சிறுவர் குழாம்

ஒலிவக்கிளைகள் பிடித்தவராய்

உன்னதங்களிலே ஓசான்னா

என்று முழங்கி ஆர்ப்பரித்து

ஆண்டவரை எதிர் கொண்டனரே

மண்ணுலகும் அதில் நிறைந்துளளவையும்

பூவுலகும் அதில்வாழும் யாவும் ஆண்டவருடையது.

ஏனெனில் அவரே அதைக் கடல்கள்மேல் நிறுவினார்

ஆறுகளின் மீது அதை நிலைநாட்டினார். (பல்லவி)

திருப்பலி

பவனியின் பின், சிலுவை அடையாளம் வரைந்து திருப்பலியை ஆரம்பிப்பது, மன்னிப்பு வழிபாடு, மற்றும் மக்கள் மீது ஆசிர் நீர் தெளிப்பது தவிர்க்கப்படல் வேண்டும்.

திருக்குழும மன்றாட்டு

என்றென்றுமுள்ள எல்லாம் வல்ல இறைவா, தாழ்மையின் எடுத்துக்காட்டை மனித இனம் பின்பற்ற, எங்கள் மீட்பரை மனித உடல் எடுக்கவும் சிலுவையை ஏற்றுக்கொள்ளவும் செய்தீNர் அதனால் நாங்கள் அவரது பொறுமையைக் கற்றுக்கொண்டு அவரது உயிர்ப்பில் பங்கேற்கத் தகுதி பெறுமாறு எங்களுக்குக் கனிவாய் அருள்வீராக. உம்மோடு தூய ஆவியாரின் ஒன்றிப்பில் இறைவனாய் என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

1ம் இறைவாக்கு:- எசாயா 50: 4-7

தியானப்பாடல் :- திருப்பாடல் 22

என் இறைவா என் இறைவா

ஏன் என்னை கைநெகிழ்ந்தீர்

உதட்டை பிதுக்கி தலையசைத்து

எனைப்பார்த்து ஏளனம் செய்கிறனர் – 2

ஆண்டவரில் நம்பிக்கை வைத்தானே

அவரே இவனை விடுவிக்கட்டும் - 2 என்றார்

நாய்களோ பல என்னை சூழ்ந்தனவே

நஞ்சினும் கொடியவர் வளைத்தனரே – 2

கைகளை கால்களை துளைத்தனரே – என்

மெய்யதன் எலும்பெண்ண முடிந்ததுவே – 2

ஆடையை தமக்குள்ளே பகிர்ந்தனரே – என்

உடைமீது சீட்டையும் போட்டனரே

ஆனால் என் ஆண்டவா எனை விட்டு நீர்

தொலைவிலே போகாமல் உதவவாரும் - 2

ஆண்டவர்க்கஞ்சுவொரே அவரை

ஆர்பரித்தே புகழ்ந்தேத்துங்களே

இஸ்ராயேல் மக்களே அவர்க்கஞ்சுங்கள்

யாக்கோபின் மரபே நீ போற்றிடுவாய்

2ம் இறைவாக்கு :- பிலிப்பியர் 2 : 6 – 11

நற்செய்தி இறைவாக்கின் போது எரியும் திரிகளும் தூபமும் இருக்கக் கூடாது, வாழ்த்துரை கூறாமலும் திருநூலில் சிலுவை அடையாளம் வரையாமலும் ஆண்டவருடைய பாடுகளின் வரலாறு வாசிக்கப்படும். நற்செய்தியின் இறுதியில் நற்செய்தி நூலை முத்தமிட தேவையில்லை.

நற்செய்தி இறைவாக்கு:- தூய மாற்கு எழுதியபடி நம் ஆண்டவராகிய இயேசுகிறிஸ்துவின் பாடுகள்' 14:1 - 15:47

சுருக்கமான மறையுரை இடம் பெறலாம்.
நம்பிக்கை அறிக்கை சொல்லப்படும்.

நம்பிக்கையாளர் மன்றாட்டு

குரு. இயேசு கிறிஸ்துவின் எருசலேம் நோக்கிய பயணத்திலே நாமும் சேர்ந்து பயணிக்கின்றோம். தமது பாடுகளோடு, துன்பங்களோடு, வேதனைகளோடு நாம் ஒப்புக்கொடுக்கும் விண்ணப்பங்களையும் தாங்கிச் செல்வார் எனும் நம்பிக்கையுடன் எமது தேவைகளை ஒப்புக்கொடுத்து மன்றாடுவோம்.

1. திரு அவையை வழிநடத்தும் இறைவா,

தனது புனிதப்படுத்தும் பணியினால் உலகை இறைவன்பால் கொண்டுவர உழைக்கும் எமது திருநிலைப் பணியாளர்கள் அனைவரையும் ஆசீர்வதியும். இவர்கள் சந்திக்கும் அனைத்து சவால்களையும் முகங்கொடுக்கும் வீரத்தையும், மக்களை தமது முன்மாதிரிகையால் வழிநடத்தும் ஆற்றலையும் அளித்தருள வேண்டுமென்று ...

2. வரங்களை நிறைவாய் பொழியும் இறைவா,

கிறிஸ்துவின் பாடுகளை, மரணத்தை தியானிக்கும் நாம் அவரின் விருப்பத்தை எமது வாழ்விலே நிறைவேற்ற முன்வருவோமாக. இதனால் எமது ஆன்மிக வாழ்வில் சந்திக்கும் அனைத்து சவால்களிலும் அவரையே பிரதிபலிக்க அருள்புரிய வேண்டுமேன்று ...

3. சுமைகளை தாங்கும் இறைவா,

இவ்வுலகை வாட்டி வதைக்கும் துன்பங்களும் துயரங்களும், வேதனைகளும் சோதனைகளும், நோய்களும் இறப்புக்களும் எம்மை விட்டு நீங்கவும், மக்களும் தமது வாழ்வின் தேர்வுகளின் போது நேர்மையுடனும், உண்மையுடனும் உழைத்துப் போராடும் ஆற்றலை அளித்திட வேண்டுமென்று ...

4. அன்பைப் பொழியும் இறைவா,

சிலுவை அன்பை இன்று நீர் எமக்கு காட்டியிருக்கின்றீர். இவ்வன்பினால் பிறரை ஏற்றுக்கொள்ளவும், தாழ்ச்சியோடு வாழவும், இரக்கம் காட்டவும், பகிர்ந்து கொடுக்கவும், ஆணவத்தை விட்டொழிக்கவும் எமக்கு கற்றுத்தருகின்றீர். நாமும் இச்சிலுவை அன்பை ஏற்றுக்கொண்டு உம்மையே நாளும் வாழும் வரமருள வேண்டுமென்று ...

குரு: இறைவா, நீர் சிலுவைச் சாவை ஏற்றுக்கொண்டு எமக்காக உமது உயிரையே உவந்தளித்தீரே. இச்சிலுவை தரும் பாடங்களை நாம் கருத்தாய் கடைப்பிடிக்க எமக்கு உதவியருளும். இன்று நாம் உம்மிடம் ஒப்புக்கொடுக்கும் எமது விண்ணப்பங்களை ஏற்றருளும். தாழ்ச்சியோடு நாம் அளிக்கும் இவ்வேண்டல்கள் வழியாக எமது வாழ்வும் ஆசிர்வதிக்கப்படுவதாக. இவற்றை எல்லாம் எங்கள் ஆண்டவராகிய கிறிஸ்து வழியாக உம்மை மன்றாடுகின்றோம்.

காணிக்கைப் பாடல்

தந்தாய் நாங்கள் வந்தோம்

உம் பாதம் காணிக்கை தந்தோம் -2

ஏற்றிடுவீர் மாற்றிடுவீர் வாழ்வுகள் மலர அருள்புரிவீர் -2

1. கல்வாரி மலைமீது சிலுவை நம் பாவப்பரிகார முழுமை

எவ்வாறு சுமப்போம் பளுவை என்பவன் சுயநலத்தின் அடிமை

ஓ இயேசுவே எம் அன்பினை காணிக்கையாகத் தந்தோம்

ஓ தேவனே எம் வாழ்வினை அர்ப்பணம் செய்திட வந்தோம் -2

2. ஏழ்மையில் வாழ்ந்திடும் சிலுவை ஏளனப் பொருளாகும் நிலைமை

எவ்வாறு மாற்றுவது இதனை என்பதே வாழ்க்கையின் கடமை

ஓ இயேசுவே பணிவாழ்வினைக் காணிக்கையாகத் தந்தோம்

ஓ தேவனே உம் தோள்களின் சிலுவையைச் சுமந்திட வந்தோம்

அர்ப்பணம் செய்திட வந்தோம்

காணிக்கைமீது மன்றாட்டு

ஆண்டவரே, உம் ஒரே திருமகனின் பாடுகளால் நீர் எம்மீது கொண்டுள்ள இரக்கம் நெருங்கி வருவதாக் எங்கள் செயல்களால் தகுதியற்றவர்கள் ஆயினும் இந்த ஒரே பலியின் ஆற்றலால் உமது இரக்கத்தை முன்கூட்டியே நாங்கள் கண்டுணர்வோமாக. எங்கள்.

நற்கருணைப் பாடல்

கருணை தெய்வமே கனிவாய் என்னில் வா

வானின் அமுதமே வாழ்வில் கலந்து வா

உந்தன் விருந்திலே உள்ளம் மகிழுதே

உணவாய் எழுந்து வா

1. அன்பே உன் வரவின்றி அருளே உன் துணையின்றி

இருளில் நான் தள்ளாடுவேன்

உயிரே உன் உறவின்றி உலகில் உன் நிழலின்றி

துயரில் நான் கண்மூடுவேன் (2)

உயிரூட்டும் உணவாக வா வழிகாட்டும் விளக்காக வா

ஆன்மாவின் ஆனந்தமே ஆறாகும் பேரின்பமே

2. ஊர் தூங்கும் வேளை ஒளிதூவும் நிலவாய்

என் வாழ்வின் ஒளியாகினாய்

வழி பார்த்து கண்கள் நீர் கோர்த்து நிற்க

என் பாதை வழியாகினாய் (2)

என் தேவன் நீ இல்லையேல் என் உள்ளம் தடுமாறுமே

உன் பாதை நான் இல்லையேல் என் வாழ்வு வீணாகுமே

திருவிருந்துப் பல்லவி மத் 26:42

தந்தையே, நான் குடித்தால் அன்றி இத்துன்பக் கிண்ணம் அகல முடியாதென்றால், உமது திருவுளப்படி ஆகட்டும்.

திருவிருந்துக்குப்பின் மன்றாட்டு

ஆண்டவரே, புனிதக் கொடைகளால் நிறைவு பெற்ற நாங்கள் உம்மைப் பணிவுடன் வேண்டுகின்றோம்: அதனால் நாங்கள் நம்புவதை உம் திருமகனின் இறப்பினால் எதிர்நோக்கியிருக்கச் செய்த நீர் நாங்கள் நாடுவதை அவரது உயிர்ப்பினால் வந்தடையச் செய்வீராக. எங்கள்.

மக்கள்மீது மன்றாட்டு ஆண்டவரே,

உம்முடைய இந்தக் குடும்பத்துக்காக எங்கள் ஆண்டவர் இயேசு கிறிஸ்து துன்புறுத்துவோருக்குத் தம்மைக் கையளிக்கவும் சிலுவையின் கொடுமையைத் தாங்கிக்கொள்ளவும் தயங்கவில்லை; நீர் இக்குடும்பத்தைக் கண்ணோக்கி அருள்புரிவீராக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

இறுதிப் பாடல்

தயை செய்வாய் நாதா

என் பாவங்களை நீக்கி - 2

அன்புடனே ஏழை என்மேல் இரக்கம் வைய்யும்

அனுதபித்து என் பிழையை அகற்றுமையா

பாவமதை நீக்கி என்னை பனிபோலாக்கும்

தோஷமெல்லாம் தீர்த்து என்னை தூய்மையாக்கும்

என் குற்றம் நானறிவேன் வெள்ளிடை மழைபோல்

தீவினையில் மறவாது என் மனது என்றும் - உம்

புனிதத்தை போக்கி நான் பாவியானேன் - நீர்

தீமை என்று கருதுவதை துணிந்து செய்தேன்

உள்ளத்தில் உண்மையை நீர் விரும்புகிறீர் - ஏன்

ஆத்துமத்தில் அந்தரத்தில் அறிவை ஊட்டும்

என்பாவம் தீர்ப்பாயின் தூய்மையாவேன்

பனி வென்மைக்கு உயர்வாக புனிதமாவேன்

Fr. S. James Suren OMI,

+94 77 232 3266,

Saturday, 16 March 2024

தவக்கால ஐந்தாம் ஞாயிறு 17/03/2024

திருப்பலி முன்னுரை

இறை அன்பில் இணைந்து அவர் பலியில் கலந்து அவரது வாழ்வோடு உறவாட வந்திருக்கும் என் இனிய உறவுகளே! உங்கள் அனைவரையும் இயேசுவின் அன்பின் பெயரால் அழைத்து நிற்கின்றோம். அன்னையாம் திரு அவை இன்று எம்மை தவக்காலத்தின் ஐந்தாம் ஞாயிறு வாரத்திற்கு அழைக்கின்றாள்.

புனித வாரத்தை அண்மித்திருக்கின்ற நாம், இயேசுவின் பாஸ்கா மறை நிகழ்வை மிகச் சிறப்பாக கொண்டாட எம்மை அக ஆயத்தம் செய்கின்றோம். பாவங்களுக்காக பரிகாரம் தேடுகின்றோம், முழுமையான பாவசங்கீர்த்தனம் செய்கின்றோம், தவ ஒறுத்தல் மேற்கொள்கின்றோம் இன்னும் திரு யாத்திரைகள் செய்து எமது பழைய நிலைகளைக் களைந்து புதிய மனிதனுக்குரிய இயல்பை அணிந்துகொள்கின்றோம். இவைகள் எம்மை புதிய வாழ்வுக்குள் அழைத்துச் செல்கின்றன.

புதிய உடன்படிக்கை வழியாக கடவுளோடு ஒன்றித்திருக்க இன்றைய வாசகங்கள் எம்மை அழைத்து நிற்கின்றன. 'நான் அவர்களின் கடவுளாய் இருப்பேன்; அவர்கள் என் மக்களாய் இருப்பார்கள்' எனும் வார்த்தைகள் எம்மை தேர்ந்தெடுத்த இறைவனின் அன்பையும் இரக்கத்தையும் தெளிவுபடுத்துகின்றன. ஒவ்வொரு மனிதனின் தியாகமும் அர்ப்பணமும் அவனது வாழ்வின் தூய்மைக்கான வழிகளே. இதையே இன்றைய நற்செய்தி இறைவாக்கு எமக்கு கோடிட்டுக் காட்டுகின்றது. 'கோதுமை மணி மண்ணில் விழுந்து மடியாவிட்டால் அது அப்படியே இருக்கும். அது மடிந்தால்தான் மிகுந்த விளைச்சலை அளிக்கும்' எனும் இயேசுவின் வார்த்தைகள் அழகானவை எம்மைச் சிந்திக்கத் தூண்டுபவை.

எனவே, எமக்கு முன் நிற்கும் எமது தடைகளைத் தாண்டி நாம் செல்லவேண்டிய இலக்கை அடைய முயல்வோம். எமது ஆன்மாவை காயப்படுத்தும் உலகத்தின் அந்தரங்கங்களுக்குள்ளே வீழ்ந்திடாமல், இயேசுவை கரம்பற்றி துணிந்து செல்வோம். உலகிலே நடந்தேறிக்கொண்டிருக்கும் வன்முறைகள் நீங்கவும், எமது திரு அவை சந்திக்கும் சமகால துன்புறுத்தல்கள் அகற்றப்படவும், கடத்தல்கள், கொலைகள், போர் வன்முறைகள் நிறுத்தப்படவும் இப்பலியிலே உருக்கமாக மன்றாடுவோம்.

வருகைப் பல்லவி

காண். திபா 42:1-2 கடவுளே, எனக்கு நீதி வழங்கும்; இறைப்பற்றில்லாப் பிற இனத்தாரோடு என் வழக்குக்காக வாதிடும். தீயவரும் வஞ்சகருமான மனிதரிடமிருந்து என்னை விடுவித்தருளும். ஏனெனில் நீரே என் கடவுள், என் ஆற்றல்.

திருக்குழும மன்றாட்டு :

ஆண்டவரே எங்கள் இறைவா, உம் திருமகன் உலகை அன்பு செய்து சாவுக்குத் தம்மையே கையளித்தார்; உமது உதவியால் அதே அன்பில் நாங்களும் விரைந்து முன்னேறிச் செல்ல அருள்புரிவீராக. உம்மோடு.

முதலாம் இறைவாக்கு

புதிய உடன்படிக்கை செய்துகொள்வேன்; பாவங்களை நினைவுகூரமாட்டேன்.

இறைவாக்கினர் எரேமியா நூலிலிருந்து வாசகம் 31: 31-34

பதிலுரைப் பாடல் திபா 51: 1-2. 10-11. 12-13 (பல்லவி: 10ய)

பல்லவி: கடவுளே! தூயதோர் உள்ளத்தை என்னுள்ளே படைத்தருளும்.

இரண்டாம் இறைவாக்கு

கீழ்ப்படிதலைக் கற்றுக்கொண்டார்; அனைவரும் என்றென்றும் மீட்படையக் காரணமானார்.

எபிரேயருக்கு எழுதப்பட்ட திருமுகத்திலிருந்து வாசகம் 5: 7-9

நற்செய்திக்கு முன் வசனம் யோவா 12: 26

'எனக்குத் தொண்டு செய்வோர் என்னைப் பின்பற்றட்டும். நான் இருக்கும் இடத்தில் என் தொண்டரும் இருப்பர்,' என்கிறார் ஆண்டவர்.

நற்செய்தி இறைவாக்கு

கோதுமை மணி மண்ணில் விழுந்து மடிந்தால்தான் மிகுந்த விளைச்சலை அளிக்கும்.

† யோவான் எழுதிய நற்செய்தியிலிருந்து வாசகம் 12: 20-33

அல்லது

உயிர்த்தெழுதலும் வாழ்வும் நானே.

† யோவான் எழுதிய நற்செய்தியிலிருந்து வாசகம் 11: 1-45

'நம்பிக்கை அறிக்கை' சொல்லப்படும்.

விசுவாசிகள் மன்றாட்டு

குரு. 'தமக்கென்றே வாழ்வோர் தம் வாழ்வை இழந்துவிடுவர். இவ்வுலகில் தம் வாழ்வைப் பொருட்டாகக் கருதாதோர் நிலைவாழ்வுக்குத் தம்மை உரியவராக்குவர். ' என்று கூறும் இயேசு பிறருக்காக வாழவும், பிறரின் தேவையில் எம்மை இணைத்துக்கொள்ளவும் அழைக்கின்றார். இவ்வுலகம் வேண்டிநிற்கும் தேவைகளை ஒப்புக்கொடுத்து மன்றாடுவோம்.

1. எமது திரு அவைக்காக மன்றாடுவோம்.

உலகின் ஒவ்வொரு பகுதியிலும் துன்புறும் திரு அவை மீண்டும் சந்திக்கும் நெருக்கடிகள், துன்பங்கள், வீழ்ச்சிகள், வேதனைகள், உயிர் இழப்புக்கள் மத்தியில் இயேசுவின் அன்பும், இரக்கமும், மன்னிப்பும் இத்திரு அவையை ஆண்டு நடத்தவும், பாவிகள் மனந்திரும்பவும் இவ் இறையரசைக் கட்டியெழுப்ப அனைவரும் உழைக்கவும் வரம்வேண்டி, ...

2. எமது பங்கு திரு அவைக்காக மன்றாடுவோம்.

எமது விசுவாசத்திற்கு எதிராக எம்மை திசைதிருப்பும் அனைத்து போலியான கொள்கைகளில் இருந்தும் தவறான வழிநடத்துதலில் இருந்தும் நாம் காப்பாற்றப்பட்டு இயேசுவை இலக்காகக் கொண்டு, நேர்மையான உண்மையான எண்ணங்களும் சிந்தனைகளும் சரியான பாதைக்கு வழிவகுத்திட வேண்டுமென்று, ...

3. எமது பெற்றோருக்காக மன்றாடுவோம்.

தாம் பெற்றெடுத்த பிள்ளைகள் இறைவன் கொடுத்த வரம் என்பதை முழுமையாக உணரவும், தமது இயலாமையில், தமது பாவத்தில், தமது பிழையான உணர்வுகளில் புதிய தலைமுறையை உருவாக்க முடியாது என்பதை உணர்வார்களாக. தமது தாழ்ச்சியால், விட்டுக்கொடுப்பால், தெய்வ பக்தியால் தமது பிள்ளைகளின் அழகான உருவாக்கத்தில் தாமும் பங்கெடுக்கின்றனர் என்பதை அறிந்து செயற்பட வரமருளவேண்டுமென்று, ...

4. பல்வேறு நிலைகளால் வருந்துவோருக்காக மன்றாடுவோம்.

அன்பின் இறைவா, இன்றைய சூழ்நிலையிலே, வறுமையால் வாடுவோர், அதிக வெப்பதினால் பாதிக்கப்படுவோர், தீராத நோயினால் கஸ்டப்படுவோர் என அனைவரும் உம்மை அதிகமாய் நெருங்கி வாழ வரம்வேண்டுவோம். இவர்களுக்காக உதவும் கரங்கள் பெருகவும், உழைக்கும் கரங்கள் ஆசிர்வதிக்கப்படவும், மேலும் இவர்கள் வாழ்வில் இறை நம்பிக்கையும், தளரா மனமும்கொண்டு வாழ வரமருள வேண்டுமென்று, ...

குரு. நான் அவர்களின் கடவுளாய் இருப்பேன்; அவர்கள் என் மக்களாய் இருப்பார்கள், என்று புதிய கட்டளையை எமக்கு பெற்றுத் தரும் இறைவா. இன்று நாம் உமது அன்பின் மக்களாக உம்மிடம் ஒப்புக்கொடுக்கும் அனைத்து தேவைகளையும் நிறைவேற்றுவீராக. எச்சந்தர்ப்பத்திலும் எம்மை விட்டுவிலகிடாமல் என்றும் கூடவே பயணிக்கவேண்டுமென்று எங்கள் ஆண்டவராகிய கிறிஸ்து வழியாக உம்மை மன்றாடுகின்றோம்.

காணிக்கைமீது மன்றாட்டு

எல்லாம் வல்ல இறைவா, கிறிஸ்தவ நம்பிக்கையின் படிப்பினையால் நீர் நிரப்பியுள்ள உம் அடியார்களுக்கும் எங்களுக்கும் செவிசாய்த்தருளும்; இப்பலியின் பயனாக இவர்களைப் புனிதப்படுத்துவீராக. எங்கள்.

திருவிருந்துப் பல்லவி :

இலாசரைப் பற்றிய நற்செய்தி வாசிக்கப்படும்போது:

காண். யோவா 11:26 உயிரோடு இருக்கும்போது என்னிடம் நம்பிக்கை கொள்ளும் எவரும் என்றுமே சாகமாட்டார், என்கிறார் ஆண்டவர்.

விபசாரப் பெண்ணைப் பற்றிய நற்செய்தி வாசிக்கப்படும்போது:

யோவா 8:10-11 'அம்மா, நீர் குற்றவாளி என்று எவரும் தீர்ப்பிடவில்லையா?' 'ஒருவரும் இல்லை , ஆண்டவரே.' 'நானும் உம்மைத் தீர்ப்பிட மாட்டேன். இனிப் பாவம் செய்யாதீர்.'

வேறொரு நற்செய்தி வாசிக்கப்படும்போது:

யோவா 12:24 கோதுமை மணி மண்ணில் விழுந்து மடியாவிட்டால் அது அப்படி யே இருக்கும். அது மடிந்தால்தான் மிகுந்த விளைச்சலை அளிக்கும் என உறுதியாக உங்களுக்குச் சொல்கிறேன்.

திருவிருந்துக்குப்பின் மன்றாட்டு :

எல்லாம் வல்ல இறைவர், எங்களுக்கு அருள்புரிய உம்மை வேண்டுகின்றோம்: இயேசு கிறிஸ்துவின் உடலையும் இரத்தத்தையும் உட்கொள்கின்ற நாங்கள் அவருடைய உறுப்பினர்களாக என்றும் விளங்குவோமாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

மக்கள்மீது மன்றாட்டு

ஆண்டவரே, உமது இரக்கத்தின் கொடையை எதிர்பார்க்கும் உம் மக்களுக்கு ஆசி வழங்கியருளும்; உமது தூண்டுதலால் தாங்கள் விரும்புவதை உமது வள்ளன்மையால் அவர்கள் பெற்றுக்கொள்வார்களாக. எங்கள்.

Fr. S. James Suren OMI,

+94 77 232 3266,

Saturday, 9 March 2024

தவக்காலம் நான்காம் ஞாயிறு - 10-03-2024

திருப்பலி முன்னுரை

இறை இயேசுவில் பிரியமுள்ள அன்பு உறவுகள், உங்களை இயேசுவின் பெயரால் இக்கல்வாரிப் பலிக்கு அழைத்து நிற்கின்றோம். இன்று நாம் கால்பதிக்கும் தவக்காலத்தின் நான்காம் வாரம், கிறிஸ்து வழியாக அதாவது அவரது பாடுகள், இரத்தம் அவரது இறப்பு வழியாக கொடுக்கப்பட்ட விடுதலை, இன்று எம்மை அருள்நிலை வாழ்வுக்கு அழைக்கின்றது என்பதைச் சுட்டிக் காட்டுகின்றது. சட்டங்களையும் கோட்பாடுகளையும் கடந்து மனித இதயங்கள் பேசும் மொழியே அதன் வெளிப்பாடாக அமையவேண்டும் என்பதை விரும்பும் இறைவன், தனது வாழ்வையே எடுகோளாக எண்பிப்பது இன்றைய வாசகங்கள் தரும் பாடமாகின்றது.

தவக்காலம் நாம் நாளும் கடந்து செல்லும் நாள்கள் அல்ல, நேரங்கள் அல்ல, விழாக்களும் அல்ல. மாறாக இயேசுவின் வாழ்வுப் பாடங்கள், அவை எமக்கு தரும் நாளாந்த படிப்பினைகள். 'தம் ஒரே மகன்மீது நம்பிக்கை கொள்ளும் எவரும் அழியாமல் நிலைவாழ்வு பெறும் பொருட்டு அந்த மகனையே அளிக்கும் அளவுக்குக் கடவுள் உலகின்மேல் அன்புகூர்ந்தார்' என்றால் இந்த அன்பு, பாவத்தை வெற்றிகொண்ட அன்பு, உலகிற்காய் தனது உயிரைக் கொடுத்த அன்பு, தாம் அழைத்தவர்களை தமக்குரியதாய் மாற்ற விளையும் அன்பு, பாவியானாலும் மீண்டும் தேடிச் சென்று அழைக்கும் அன்பு - இதுவே இயேசுவின் அன்பு. இவ்வன்பை உணர்த்துவதே இத்தவக்காலம். இன்றைய நாளிலே, இறைவன் இறைவார்த்தையூடாக பேசுவதை செவிமெடுத்துக் கேட்போம், திருவழிபாடு வழியாக எமக்கு அருளும் கொடைகளை பெற்று அனுபவிப்போம். நல்ல பயணத்தை தொடருவோம், அவரது உயிர்ப்பிலே அர்த்தம் காணுவோம். இச்சிந்தனைகளோடு தொடரும் இப்பலியிலே இணைந்துகொள்வோம்.

வருகைப் பல்லவி காண். எசா 36:10-11

எருசலேமே அகமகிழ்; அவள் மீது அன்பு கொண்ட அனைவரும் ஒன்று கூடுங் கள். துயருற்ற நீங்கள் மகிழ்ந்து, அக்களியுங்கள்; அதனால் ஆர்ப்பரியுங் கள்; நீங்கள் நிறைவாக ஆறுதல் பெற்று மகிழ்வடையுங்கள்.

'உன்னதங்களிலே' சொல்லப்படுவதில்லை

திருக்குழும மன்றாட்டு

இறைவா, மனிதரான உம் வாக்கின் வழியாக மனிதக் குலத்தின் ஒப்புரவை வியத்தகு முறையில் செயல்படுத்துகின்றீர்; அதனால் ஆர்வமிக்க இறைப்பற்றாலும் உயிர்த் துடிப்புள்ள நம்பிக்கையாலும் வரவிருக்கும் பெருவிழாவுக்குக் கிறிஸ்தவ மக்கள் விரைந்திட ஆற்றல் பெற அருள்புரிவீராக. உம்மோடு.

முதலாம் இறைவாக்கு: குறிப்பேடு இரண்டாம் நூலிலிருந்து வாசகம் 36: 14-16,19-23

ஆண்டவரின் சினமும் இரக்கமும் மக்கள் நாடுகடத்தப்படுதலிலும், அவர்கள் மீட்கப்பெறுவதிலும் வெளியாகின்றன.

பதிலுரைப் பாடல் திபா 137

பல்லவி: உன்னை நான் நினையாவிடில், என் நா மேல்வாயோடு ஒட்டிக்கொள்வதாக!

இரண்டாம் இறைவாக்கு: திருத்தூதர் பவுல் எபேசியருக்கு எழுதிய திருமுகத்திலிருந்து வாசகம் 2:4-10

குற்றங்களின் காரணமாய் இறந்தவர்களாயிருந்த நீங்கள் மீட்கப்பட்டிருப்பது அந்த அருளாலேயே.

நற்செய்திக்கு முன் வாழ்த்தொலி யோவா 3: 16

தம் ஒரே மகன்மீது நம்பிக்கை கொள்ளும் எவரும் அழியாமல் நிலைவாழ்வு பெறும் பொருட்டு அந்த மகனையே அளிக்கும் அளவுக்குக் கடவுள் உலகின்மேல் அன்புகூர்ந்தார்.

நற்செய்தி இறைவாக்கு: யோவான் எழுதிய நற்செய்தியிலிருந்து வாசகம் 3: 14-21

தம் மகன் வழியாக உலகை மீட்கவே கடவுள் அவரை உலகிற்கு அனுப்பினார்.

'நம்பிக்கை அறிக்கை' சொல்லப்படும்

நம்பிக்கையாளர் மன்றாட்டு

குரு: 'பாலைநிலத்தில் மோசேயால் பாம்பு உயர்த்தப்பட்டதுபோல மானிடமகனும் உயர்த்தப்பட வேண்டும். அப்போது அவரிடம் நம்பிக்கை கொள்ளும் அனைவரும் நிலைவாழ்வு பெறுவர்.' இயேசுவின் சிலுவையில் உணரப்பட்ட வாழ்வுக்கான அனைத்து புண்ணியங்களும் எமது வாழ்வில் நிறைவேறுகின்றன. இயேசுவில் நாம் முழு நம்பிக்கைகொண்டு அவரது சிலுவைவழி நடந்துசென்று எமது உள்ளார்ந்த உணர்வுகளை எமது தேவைகளாக ஒப்புக்கொடுத்து மன்றாடுவோம்.

1. எமது பங்கில் பணியாற்றும் பங்குத்தந்தை, மற்றும் அனைத்து குருக்கள் துறவிகள் தங்களது சாட்சிய வாழ்வாலும், தியாகத்தாலும் உமக்கு என்றும் சான்றுபகர அருள்புரியவேண்டுமென்று ...

2. எமது பங்கு சமுகத்தில், அதன் வளர்ச்சிக்காக உழைக்கும் அனைத்து நல் உள்ளங்களும் இறைவனால் ஆசீர்வதிக்கப்படவும், தொடர்ந்தும் தமது பணியில் முழு நிறைவுகாண அருள்புரிய வேண்டுமென்று ...

3. எமது பங்கின் சிறுவர்கள், பாடசாலை மாணவர்கள் அனைவரும் நல் ஒழுக்க சீலர்களாக திகழவேண்டுமென்றும், அவர்களுக்காக கொடுக்கப்படும் அனைத்து சந்தர்ப்பங்களையும் முழுமையாக பின்பற்றும் ஆற்றலை அளித்திடவேண்டுமென்று ...

4. பல்வேறு தேவைகளின் நிமித்தம் புலம்பெயர் நாடுகளில் வாழும் அனைத்து உறவுகளும் இறைவனின் அருளால் நிரம்பப்பெற்று, தங்களின் அனைத்து தேவைகளின்போதும், தீர்மானங்களின் போதும், இறை ஆற்றலையும், விவேகத்தையும் கண்டுபாவிக்கவும் அருள்புரிய வேண்டுமென்று ...

5. எம்மைச் சுற்றி வாழும் பிற சமய உறவுகள் அனைவரிலும் இறைவன் செயலாற்றுவதை நாம் முழுமையாக நம்பவும், என்றும் அவர்களை எமது உடன் சக உறவுகளாக ஏற்று, மதித்து வாழும் வரத்தை அளித்திட வேண்டுமென்று ...

குரு: எல்லோரின் உள்ளங்களை அறியும் இறைவா, எமது நீண்டதூர பயணத்திலே நாம் கடந்துசெல்லும் சவல்களை தாங்கிச் செல்ல வரம்தாரும், போராட்டங்களில் வெற்றிகாண அருள்தாரும், எதிரிகளை இனங்கண்டு அவர்களுக்காக செபிக்கும் மனம் தாரும். நாம் இவ்வுலகில் வெளிக்கொணரும் அன்பும், பாசமும், இரக்கமும், மன்னிப்பும் நீர் எமக்கு தரும் கொடைகளும், வரங்களுமே. எமது தேவைகள் இவற்றை தாங்கிச் செல்வதாக. எங்கள ஆண்டவராகிய கிறிஸ்து வழியாக உம்மை மன்றாடுகின்றோம்.

காணிக்கைமீது மன்றாட்டு

ஆண்டவரே, பணிவுடன் உம்மை வேண்டி, நிலையான உதவி அளிக்கும் காணிக்கைகளை பேரின்பத்துடன் உமக்கு ஒப்புக்கொடுக்கின்றோம்; அதனால் நாங்கள் இவற்றை உண்மையிலேயே போற்றவும் உலகின் மீட்புக்காக உமக்கு உகந்தவாறு ஒப்புக்கொடுக்கவும் செய்வீராக. எங்கள்.

திருவிருந்துப் பல்லவி :

பிறவியிலேயே பார்வையற்ற ஒருவரைப் பற்றிய நற்செய்தி வாசிக்கப்படும்போது:

காண். யோவா 9:11,38: ஆண்டவர் என் கண்களில் பூசினார்; நான் சென்றேன், கழுவினேன், பார்த்தேன்; கடவுளை நம்பினேன்.

ஊதாரி மைந்தனைப் பற்றிய நற்செய்தி வாசிக்கப்படும்போது:

லூக் 15:32: மகனே, நீ மகிழ்ந்து இன்புற வேண்டும். ஏனெனில் உன் தம்பி இவன் இறந்து போயிருந்தான்; மீண்டும் உயிர்பெற்றுள்ளான். காணாமற் போயிருந்தான்; மீண்டும் கிடைத்துள்ளான்.

வேறொரு நற்செய்தி வாசிக்கப்படும்போது

காண். திபா 121:3-4: எருசலேம் செம்மையாக ஒன்றிணைத்துக்கட்டப்பட்ட நகர் ஆகும். ஆண்டவரின் திருக்குலத்தார் அங்கே செல்கின்றனர்; இஸ்ரயேல் மக்களுக்கு இட்ட கட்டளைக்களுக்கிணங்க ஆண்டவரது பெயருக்கு அவர்கள் நன்றி செலுத்தச் செல்வார்கள்.

திருவிருந்துக்குப்பின் மன்றாட்டு :

இறைவா, இவ்வுலகுக்கு வரும் ஒவ்வொரு மனிதரையும் ஒளிர்விக்கின்ற நீர் எங்கள் இதயங்களை உமது அருளின் சுடரால் ஒளிர்வித்தருள உம்மை வேண்டுகின்றோம்: அதனால் உமது மாண்புக்குத் தகுதியானதையும் விருப்பமானதையும் என்றும் நினைவில் கொண்டு உம்மை நேர்மையாக அன்பு செய்ய வலிமை பெறுவோமாக. எங்கள்.

மக்கள்மீது மன்றாட்டு:

ஆண்டவரே, தாழ்மையுடன் உம்மை நோக்கி மன்றாடுவோரைக் காத்து வலுவற்றோரைத் தாங்கிக்கொள்ளும்; சாவின் நிழலில் நடப்போரை உமது நிலையான ஒளியால் உயிர் பெறச் செய்தருளும்: தீமை அனைத்திலிருந்தும் உமது இரக்கத்தால் அவர்களை விடுவித்து நிறைவான நன்மைக்கு அவர்கள் வந்து சேர அருள்புரிவீராக. எங்கள்.

Fr. S. James Suren OMI,.

+94 77 232 3266,

Saturday, 2 March 2024

தவக்காலம் -மூன்றாம் ஞாயிறு - 03-03-2024

திருப்பலி முன்னுரை

இறை இயேசுவில் பிரியமுள்ள அன்பு உறவுகளே! தவக்காலத்தின் மூன்றாம் ஞாயிறு வாரத்துற்குள்ளே நுழைகின்றோம். எமது தவ முயற்சிகள், தியாகங்கள் மேலும் எமது செபங்கள் வழியாக நாம் இறைவனோடு இன்னும் மிக நெருக்கமாக பயணிக்க இத்தவக்காலம் எமக்கு உதவுகின்றது.

இன்றைய இறைவார்த்தைகள், மனித வாழ்வுக்குத் தேவையான ஒழுக்கம் நிறைந்த கடமைகளையும், பொறுப்புக்களையும் தெளிவுபடுத்திக் காட்டுகின்றன: 'என்மீது அன்புகூர்ந்து என் விதிமுறைகளைக் கடைப்பிடிப்போருக்கு ஆயிரம் தலைமுறைக்கும் பேரன்பு காட்டுவேன்' என்பதை இறைவனின் உள்ளார்ந்த உணார்வுகளாக முதலாம் இறைவார்த்தை எடுத்தியம்புகின்றது. 'சிலுவையில் அறையப்பட்ட கிறிஸ்துவைப்பற்றிப் பறைசாற்றுகிறோம்' என்பதை இத்தவக்காலத்தில் எமது அழைப்பாக இருக்க வேண்டும் என்று புனித பவுல் எடுத்தியம்புகின்றார். யோவான் நற்செய்தியிலே உள்ளம் எனும் கோவிலில் குடியிருப்பது இறைவனே, அதை இறைவனுக்குரியதாய் உருவாக்கவே நாம் உழைக்கவேண்டும் என்று தெளிவுபடுத்துகின்றார். அன்பும், நிறை மகிழ்ச்சியும், நம்பிக்கையும், இரக்கமும், மன்னிப்பும் இவையனைத்தும் உள்ளத்தில் இருந்தே ஊற்றெடுக்கவேண்டும். சட்டங்களை மதித்து, கடமைகளை நிறைவேற்றி பொறுப்புக்களை செவ்வனே செயற்படுத்த எம்மை உருவாக்கிக்கொள்ளவேண்டும். இதுவே இன்றைய அழைப்பாகும்.

நாமும் நல்லவற்றை சிந்திப்போம், உண்மையைப் பேசுவோம், உறவுகளை உயிராய் நேசிப்போம், மன்னிப்போம், இரக்கத்தாலும், பண்பினாலும், இறை சித்தம் நிறைவேற்றுவோம், அன்பினால் அனைத்தையும் வெல்லுவோம். இச்சிந்தனைகளோடு தொடரும் பலியில் இணைந்துகொள்வோம்.

வருகைப் பல்லவி காண். திபா 24:15-16

என் கண்கள் எப்போதும் ஆண்டவரை நோக்கியிருக்கின்றன, ஏனெனில் அவரே என் கால்களை வலையிலிருந்து விடுவிப்பார். என்னை நோக்கித் திரும்பி என் மீது இரங்கும். ஏனெனில் நான் ஆதரவற்றவன்; ஏழை.

அல்லது காண். எசே 36:23-26

நான் உங்களில் என் தூய்மையை நிலை நாட்டும்போது பல நாடுகளிலிருந்து உங்களைக் கூட்டிச் சேர்ப்பேன். நான் தூய நீரை உங்கள்மேல் தெளிப்பேன். உங்கள் எல்லாக் குற்றங்களிலிருந்தும் நீங்கள் தூய்மையாவீர்கள். புதிய ஆவியை உங்களுக்குக் கொடுப்பேன், என்கிறார் ஆண்டவர்.

திருக்குழும மன்றாட்டு

இறைவா, இரக்கப் பெருக்கத்துக்கும் முழுமையான நன்மைக்கும் காரணரே, பாவிகளின் உண்ணா நோன்புகள், இறைவேண்டல்கள், இரக்கச் செயல்கள் ஆகியவற்றின் வழியாக எங்களுக்குப் பாவ மன்னிப்பை வழங்குகின்றீர்; எங்களது தாழ்ச்சிமிக்க பாவ அறிக்கையைக் கனிவுடன் கண்ணோக்கி மனச்சான்றினால் நொறுங்குண்ட எங்கள் உள்ளங்களை உமது இரக்கத்தால் என்றும் உயர்த்துவீராக. உம்மோடு.

1ம் இறைவாக்கு

விடுதலைப் பயண நூலிலிருந்து வாசகம் 20: 1-17

திருச்சட்டம் மோசே வழியாக அளிக்கப்பெற்றது.

பதிலுரைப் பாடல் திபா 19

பல்லவி: ஆண்டவரே, நிலைவாழ்வு அளிக்கும் வார்த்தைகள் உம்மிடமே உள்ளன.

2ம் இறைவாக்கு

திருத்தூதர் பவுல் கொரிந்தியருக்கு எழுதிய முதல் திருமுகத்திலிருந்து வாசகம் 1: 22-25

சிலுவையில் அறையப்பட்ட கிறிஸ்துவையே பறைசாற்றுகிறோம். அவரது சிலுவை யூதருக்குத் தடைக்கல்; அழைக்கப்பட்டவருக்கோ கடவுளின் ஞானம்.

நற்செய்திக்கு முன் வாழ்த்தொலி யோவா 3: 16

நற்செய்தி இறைவாக்கு

யோவான் எழுதிய நற்செய்தியிலிருந்து வாசகம் 2: 13-25: இக்கோவிலை இடித்துவிடுங்கள். நான் மூன்று நாளில் இதைக் கட்டி எழுப்புவேன்.

முதலாம் ஆண்டுக்கான திருப்பலி இறைவார்த்தையைப் பயன்படுத்தலாம்

விசுவாகிகள் மன்றாட்டு

குரு: எமது வாழ்வு ஒரு புதிய பாதையிலும், புனித பாதையிலும் பயணிக்கின்றது. இப்பயணத்திலே இயேசுவின் உடனிருப்பு எம்மோடு இருக்கின்றது. எனவே, எமது தேவைகளை அவரிடம் ஒப்புக்கொடுத்து மன்றாடுவோம்.

1. எமது திரு அவையின் வாழ்வுக்காகவும் அதன் ஆன்மிக வளர்ச்சிக்காகவும் உழைக்கும் அனைத்து பணியாளர்களும் இயேசுவின் தூய மனநிலை கொண்டுவாழவும், அவரையே முழுமையாக பின்பற்றி உலகெங்கும் அறிக்கையிடுகின்ற கருவிகளாக திகழ்ந்திட வரமருளவேண்டுமென்று ...

2. சிலுவையில் அறையப்பட்ட கிறிஸ்துவுக்கு தங்கள் வாழ்வாலும், தியாகத்தாலும், உழைப்பாலும் தங்கள் உணர்வுகளாலும் சான்றுபகரும் அனைவரும் இத்தவக்காலம் கற்றுத்தரும் அனைத்து போதனைகளுக்கும் கிறிஸ்துவின் சிலுவை தரும் அனைத்தும் படிப்பினைகளுக்கும் பிரமாணிக்கமாய் இருந்து செயற்பட அருள்புரிய வேண்டுமென்று ...

3. இன்றைய சமகால அரசியல் பொருளாதார வாழ்வோடு பயணிக்கும் எமக்கு, கொடுக்கப்படும் கேள்விகளும் பதில்களும் அர்த்தமற்ற நிலைகளையும், பொருத்தமற்ற சூழலையும், எதிர்மறை விமர்சனங்களையும் எம்மேல் திணிக்கின்ற விவாதங்களையுமே எமக்கு தரும்வேளை, நன்மைகளையும், நீதியையும், உண்மையையும் தேடிச் செல்லவும், வாழ்வில் இயேசுவை விட்டு பிரிந்திடா வரமருள வேண்டுமென்று ...

4. எமது சமுகத்திலே காணப்படும் பிரிந்துபோன குடும்பங்கள், நொந்துபோன மற்றும் உடைந்துபோன உறவுகள், விரக்தியின் விளிம்பில் வெளிவரமுடியாமல் முடங்கிப் போனவர்கள் என அனைவரையும் ஒப்புக்கொடுத்து செபிக்கின்றோம். மனித உள்ளங்களை அறியும் இறைவன், நம்பிக்கையை வெளிச்சத்தை தந்து, வாழ்வின் பாதைகளை தெளிவாக அமைத்து என்றும் முன்னோக்கிச் செல்ல அருள்புரியவேண்டுமென்று ...

குரு: எம்மை எல்லாம் அன்பு செய்யும் இறைவா! உமது துணை இன்றி நாம் வாழ முடியாது, உமது வழிநடத்துதல் இன்றி நாம் இயங்கமுடியாது. உமது பாதம் நம்பிக்கையோடு நாம் ஒப்புக்கொடுக்கும் எமது தேவைகளுக்கு செவிசாய்த்து, உமது அருளைப் பொழிவீராக. என்றென்றும் வாழ்ந்து ஆட்சிபுரியும் கிறிஸ்து வழியாக உம்மை மன்றாடுகின்றோம். ஆமென்.

காணிக்கைமீது மன்றாட்டு

ஆண்டவரே, இப்பலிகளால் மன நிறைவு அடைந்து எங்களுக்கு அருள்புரிவீராக் எங்கள் குற்றங்களிலிருந்து எங்களை மன்னிக்க வேண்டுகின்ற நாங்க பிறருடைய குற்றங்களை மன்னிக்க முயல்வோமாக. எங்கள்.

திருவிருந்துப் பல்லவி காண். யோவா 4:13-14

சமாரியப் பெண்ணைப் பற்றிய நற்செய்தி வாசிக்கப்படும்போது:

நான் கொடுக்கும் தண்ணீரைக் குடிப்பவர் நிலைவாழ்வு அடைய அவருக்குள் பொங்கும் நீரூற்று எழும், என்கிறார் ஆண்டவர்.

வேறொரு நற்செய்தி வாசிக்கப்படும்போது: திபா 83:4-5

படைகளின் ஆண்டவரே, என் அரசரே, என் கடவுளே உம் பீடங்களில் அடைக்கலான் குருவி தனக்கு வீடும் சிட்டுக் குருவி தன் குஞ்சுகளை வைக்கக் கூடும் கண்டுள்ளன. உமது இல்லத்தில் தங்கியிருப்போர் பேறுபெற்றோர்; அவர்கள் எந்நாளும் உம்மைப் புகழ்ந்து கொண்டே இருப்பார்கள்.

திருவிருந்துக்குப்பின் மன்றாட்டு

ஆண்டவரே, விண்ணகத்தில் உள்ள மறைபொருள்களின் அச்சாரத்தையும் இவ்வுலகில் ஏற்கெனவே விண்ணக உணவால் வளமையையும் பெற்றுள்ள நாங்கள் உம்மைப் பணிவுடன் வேண்டுகின்றோம்: அதனால் மறைபொருளாக எங்களில் திகழ்வது செயலளவிலும் நிறைவு பெறுவதாக. எங்கள்.

மக்கள்மீது மன்றாட்டு

ஆண்டவரே, உம் நம்பிக்கையாளரின் இதயங்களை ஆண்டருள உம்மை வேண்டுகின்றோம்: உம் ஊழியர்களுக்குக் கனிவுடன் இந்த அருளை வழங்குவதால் உம் அன்பிலும் பிறரன்பிலும் நிலைத்திருந்து அவர்கள் உம் கட்டளைகளை முழுமையாக நிறைவேற்றுவார்களாக. எங்கள்.

Fr. S. James Suren OMI,

+94 77 232 3266,